" ولن أملّ "

إلي أين اخذوا أبي ؟

وفي أي مكان إعتقلوه ؟

هل هو علي قيد الحياه

أم

قتلوا صوته وتمرده عليهم

... لا أدري ...

عيون قلبي لا تهدأ ولا تنام

ولسان عقلي لا يكف عن السؤال

إلي أين رحل ؟

... لا أدري ...

أيها العرب

أين أنتم وأبي قامع خلف زنزانه حقيره

لا تصلح إلا إلي الجبناء

أيها العرب هل عقمت رجولتكم عن الإنجاب ؟

... لا أدري ...

إلي متي سنظل مثل الشيطان الأخرس

المكبل بالقيود

... لا أدري ...

لا أدري ولن أملّ حتي أجد وكل هذا حتي يعود لي ابي ويضمني مره أخري كعادته كل صباح

*****************

شكر خاص لـــــــــ :

بشكر حبيبة القمر وحبيبتي انا كمان بجد البنت دي جدعه اوي

هي اللي غيرت معايا كل حاجه

وكانت معايا ثانيه بثانيه وإستحملتني وده لوحده

إنجاز

ههههههههههههههههههههه

سامحوني ...

سامحوني بجد مش عارفه اتابعكم خالص

لان النت عندي خرماااااااااااااااان جدااااااااااااااااااااااااااا

معلشي الحاله وحشه اليومين دول مش عارفه اجيب النوع اللي انا معوداه عليه

هههههههههههههههههههههه
( عموما انا شاء الله قريب هيتصلح )

بجد أسفه عشان مش عارفه اتابع اي حد خالص

انا عند واحده صحبتي بزورها زياره مصلحه عشان انزل البوست

هههههههههههههههههههههههههههههههه

الدنيا وحشه اوي يا جماعه

انتظروا قريبا بالاسواق

" ولن أملّ "

في رعايه الله جميعا

اناااااااااا جيبببببببببببببت

وحشتوووووووووووووووووووني اوي اوي

بجد والله

وعايزه اقولك اني كنت بدخل والله اطمن عليكم كلكم

لانكم بجد بتوحشوني علي طول

طبعا هتسالوا علي الامتحانات

اه الحمد لله ربنا يستر بجد

الامتحانات بجد كانت افتري وختامها الرياضه النهارده

تقريبا الدفعه كلها خارجه بتعيط

ولا الكيميا كانت افتري

ولا الحيوان كانوا بدل ما يتعبوا

نفسهم ويكتبوا الاسئله

كانوا يقولوا اكتب ما درست

الحمد لله

المهم ادعولي

بس انا قولت اطمنكم عليا واعرفكم اني خلصت

انا كتبته قبل ما اعمل اي حاجه والله

يلا سلام بقي انا تعبت

مش نمت ومطبقه

اشوفكم علي خير

نسيت اعمل شكر خاص لــــــ

:

عايزه اشكر رحيل بجد البنت دي انا بحبها حتي من غير ما اعرفها اوي

هي جدعه بجد كانت كل امتحنا تتصل بيا وتسالني عملت ايه ؟

ربنا يجازيها كل خير يارب

وكمان حبيبه القمر رغم انها مش تعرفني بس كانت بتدخل تتطمن عليا كانت اول زياره ليها

لما انا انقطعت خالص رغم

كده كانت بتدخل هنا

وكمان ساجي ( مصطفي يعني ) بيسال عليا علي طول يارب يا مصطفي نشوفك اكبر دوك في الدنيا وتجيب

اعلي التقديرات

يلا سلام بقي

.. دا مجنونه يا ماما ..

. دا مجنونه يا ماما دي كلمه واحده طفله بمووووووووووت فيها

اسمها رانيا او لولو وبتقولها لأخوها بتقول :

ماما دا محمدا عبيطه دا مجنونه يا ماما

ده تاج جالي من اتنين غاليين جدا ليا

من سمسم الانتيم بتاعي

ومن ساجي مصطفي يعني

بس انا أجلته شويه عشان كان جه في الامتحانات

احم احمممممممممممممم

أنا أسمي

أســــــــــــمـــــــــــي ...........

وف سنه

ســـــنـــــــه .................

مش مهم

مش مهم

المهم اني بمووووووووووووووووت فيكم

خلاص هدخل في الجد والله

:

التاج ده عشر حاجات عن نفسك

مش بحب اتكلم عن نفسي بس يلا بقي التاج مش من اي حد

1-

انا واحده بسيطه اوي اوي وعاديه جدااااااااااان

طيبه اوووووووووي ودي مشكلتي لكن رغم اني طيبه اوي

مش احب اسيب حقي ابدا

ممكن اسيبه لكن لو كنت ضعيفه واكون ضعيفه لما احب اوي واحب بجد

روماااااااااااانسيه الي ابعد الحدود

ومجنووووووووووونه اووووووووووووووي وخصوصا لما بتلم علي الاناتيم بتوعي

بحب الوحده أحيانا

لكن اجتماعيه اوي اوووووووووي بفكر في كل كلمه تتقال ليا

***********

2-

الحمد لله علاقتي بربنا الحمد لله حلوه مش هقول اني شيخه او متبرجه انا في النص او اكتر

بحب انصح اي حد حتي لو معرفتنا لسه مش اوي عايزه اعمل اي حاجه عشان ربنا

احساسي بالضمير بيقلتني لما اغلط ومش بعرف انام

بس بحاول افكر قبل ما اخد اي خطوه

ربنا ده جميل اوي بس لو قربنا منه اوي

************

3 -

بحب بابا اووووووووي اوي وقريبه منه اوي وماما كمان بحبها

مش بقدر أشوف حد فيهم تعبان

وبدعي ربنا بجد يباركلي في عمرهم ويخليهم ليا دايماااااااا

يـــــــــــارب

انا اه جبت اخر بابا بس هعمل ايه دماغي مش في المذاكره خااااالص

هههههههههههههههههههههههه

دماغي نت

**************

4 -

أصدقائي او الاناتيم بتوعي زي ماعرفتوا قبل كده سوسو وسمسم ربنا يخليهم ليا يارب

ومش يحرمني منهم أبدااااااااااااا

وكمان أميره بس عشان هي مش دخلت معايا بقينا بعاد شويه

بس انا بحبها برده

وليا أصحاب كتيرررررررررررررررررررر ه جدا

جداااااااااااااا

والحمد لله كلهم بيحبوني ولسه بنسأل علي بعض لحد دلوقتي معظمهم

*************

5 -

بحب الآطفال جدا جدااااااااااا بموت فيهم وزي ما أنتوا شايفين الحضانه اللي انا عملاها

بموت في رانيا اللي انا حكيت عليها في الاول مش بقدر اشوفها بتعيط خالص

لما تعيط اخدها في حضني واقولها معلشي واخوها محمد هو لسه مش أتكلم بس زي العسل

مامتهم تبقي بنت عمي وهما (الاطفال ) عندنا طول الوقت لان اخوها بيتمحن اللي هو ابن عمي

وبابا رانيا مسافر عشان كده هما عند جدهم اللي هو عمي

عارفه اني دخلت الخطوط في بعضها

هههههههههههههههههههههههههههههههههه

بس للاسف هما هيسافروا قريب

***************

6 -

دماغي نت وبس بحب أخرج مش بحب قعدة البيت ابداااااااااااا

وبحب الرحلات موووووووووووووت وبحب السفر وابقي سرحانه ولازم أقعد جنب الشباك

ههههههههههه لازم شرط أساسي

كنت قبل كده ذاكرتي ميه ميه حاليا بقت تحت الصفر

بقيت بنسي بطريقه صعبه مش عارفه في ايه

بحب الهزار لانه غالبا بيقلب بضحك

هههههههههههههههههههه

بحب فيلم ظرف طارق موووووووووووووت

****************

7 -

كنت بتمني أدخل صيدله بس الحمد لله مش ليا نصيب بجد كنت بتمناها عشان سببين الاول

عشان اعمل اي حاجه لربنا وإني اشوف دوا لفيرس سي لانه بجد بكرهه قوي أخد ناس قرايبنا كتيرررر

وخايفه يجي اليوم وياخد أي حد غالي عليه

والسبب التاني عشان أفرح بابا

لكن الحمد لله علي كل حال اكيد وانا راضيه بقضاء ربنا

*************

8 -

بكره فيا عصبيتي لاني بتنرفز بسرعه بس بروق بسرعه

والكلمه الحلوه ليها تاثير سحري معايا

زي الفانوس السحري كده

هههههههههههههههههههه

وكمان تسرعي انا متهوره تقدروا تقولوا كده

كمان مش بحب احكي لاي حد حاجه عني لازم يكون حد قريب مني اوي

****************

9 -

لما بحب بحب بجد وبسرعه وصعب إني انسي بسرعه كان نفسي ابقي حاملوا رايه

( اللي يبعني في يوم ابيعه وما ابكيش في يوم عليه )

ههههههههههههههههههههههههه

وبكره اوي لما يكون حد بالنسبه ليا حاجه كبيره وحد غالي وانا بالنسبه ليها ولا حاجه

او عادي انا

دمعتي غاليا عندي اوي مش بتخرج الا لغالي

ومش بحب حد يشوفها الا غالي برده

************

10 -

بتمني او بطلب من ربنا إنه يرزقني الزوج الصالح الحنين اللي يخاف عليا

ويحبني ويتقي ربنا فيا

ويرزقني بالذريه الصالحه

ويبارك لي في زوجي وبابا وماما في عمرهم

*************

بجد أحتارت كتير عما اكتب البوست ده

المهم

فكرت كتير أمرره لمين

فقررنا نحن

نحن

عبسلام بسطويسي

ههههههههههههههههههههههههههه

قررنا حبس المتهمين في قفص الاعتراف

موناليزا

rovy

بنت مصريه

ghoneem

مواطن مصري نايم

********************

أخيرا المهمه دي خلصت علي خير ربنا يجازيكي كل خير يا سمسم انتي وساجي

ربنا يسامحهم بقي

********************

تحديث : انا كمان عنيده اووووووووووي فوق ما تتخيلوا

وبحب العربيات حب رهيب وان شاء الله هجيب بي إم دابيو

طبعا بحلم

هههههههههههههههههههههههه

الــــفــــــراق

الفراق إحساس صعب اوي

:

وخصوصا لما يكون الشخص ده حد إنت بتحبه اوي

:

حد انت ممكن تزعل منه

:

و من حبك ليه بترجع انت تصالحه

:

وتقوله أنا أسف

:

الشخص ده هو الآم أو الآب

:

دول هما اغلي حد احنا ممكن نحبه في الدنيا

:

مش عارفه اقول إيه ؟

:

بس حصل موقف كده هو اللي خلاني اكتب البوست ده رغم اننا في امتحانات

:

انا اه بدخل اشوف اخباركم بس مش بسيب تعليقات

:

بس اول مره ادخل واطول

:

المهم واحده صحبتي

:

والدتها اتوفت اول امبارح اوحنا كان عندنا امتحان امبارح

:

هو كان لغه انجليزي يعني بس برده البنت جات بس منهاره جدا

:

وانا والله بكيت علي بكاها رغم ان مش اعرف والدتها

:

احنا لسه نعرفها من فتره بسيطه انا وسمسم وسوسو

:

بس كان درس لينا بجد

:

احنا كلنا كل اصحابنا كنا واقفين معاها قبل اللجنه ولما دخلنا البنت انهارت اكتر رغم اننا

:

فضلنا نقنع فيها

:

انها تدخل الامتحان عشان ده هيفرح والدتها

:

هي اقتعنت بس لما دخلت انهارت وقالت مش قادره
:

وللاسف روحت مع والدها

:

انا فضلت فتره ابكي ومش قادره اكتب وايدي ترتعش

:

بس الحمد لله قدرت امسك نفسي وقولت اني هعمل ده انا كمان عشان بابا وماما

:

بجد ادعولها لانها مش عايزه تدخل الامتحانين اللي لسه باقيين

:

اما انا فـــ مش ليا نفس اذاكر كلمه فما بالكم هي ؟!!

:

انا مش متخيله ان هايجي اليوم ده وارجع مش الاقي ماما او بابا ربنا يصبرها بجد

:

بس عندها حق دا الام يا جماعه

المهم :

حاجه كده لازم تخدوا بالكم منها ان اللي معاه حاجه مش بيحس بيها غير لما تضيع منو

:

سواء اب , ام , اخ , اخت , اصحاب , حبيب اي حد يا جماعه يحافظ عليه

:

ويحاول مش يزعل منه حد

:

محدش عارف هيموت امتي

:

الدنيا فانيه

:

قابلني صدفه امبارح شعر قاله احمد العجمي بيقول فيه

:

تذكر حينما تطغي وحيدا

.

إلي الاجداث غيرك في ذهاب

.

فسارع إلي الرحمان دوما

.

فإن القبر مبتدء الحساب

.

ولا تيأس فإن العجز عيبا

.

من الإنسان في وقت الشباب

.

فأول ليله في القبر خطب

.

بكي من أسره كل الصحاب

.

وبادر إن بقي في العمر وقت

.

فأن الموت يطرق كل باب

:

فعلا والله الموت الله اعلم بيه والدتها علي فكره تعبها لسه يعتبر مش كمل شهر خالص وهي

تعبت اوي قبلها بأربع ايام مثلا

:

مش هقولكوا غير حافظوا علي اللي معاكم

:

واللي مزعل حد منه يروح حالا يصالحه خصوصا الام

:

ولازم نشوف كل شويه اللي غلط فينا ونصلحه محدش ضامن عمره