هو أنت أصلا حاسبت نفسك قبل كدا علي كل حاجه بتعملها في اليوم ؟
,,
أنت راضي عن نفسك ؟
وأنتي كمان ؟
هل أنت شايف نفسك لسه صغير علي الموت أو أنتي ؟
الموت طبعا مالوش ميعاد
ومالوش سن ولا أجل معين
"( فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ) "
,,,
في طبعا هيقولي أنا أحسن من غيري كتير
طبعا لا
دي كلمه بيعلمها الشيطان لينا
وهي دي مهمته
ويفضل يجملها لينا
يجمل كل معصيه عشان نقع فيها
أول وأعظم وأكبر ذنب أحب إلي الشيطان هو ترك الصلاه
فهو جعلنا نؤخرها ...
جعلنا نؤجلها ...
جعلنا نهملها ...
جعلنا نتركها ...
!!!إلي أن مات القلب وماذا بعد موت القلب ؟
,,,,
جعل البعض منا زناه أكثر من مره
جعل البعض منا زناه أكثر من مره
" بالنسبه للبنات "
فكم من مره نزلنا ونحن معطرين
وشم هذا العطر فلان .. وفلان وفلان ..
ألم تعلمي بإنه أيما إمرأة خرجت متعطرة فشم الناس عطرها فهي زانيه !!
" ولكنه مجرد عطر "
(( وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ))
,,,,,
كام من مره سمعت أغنيه وانتي كام مره سمعتي اغنيه ؟
وكام من مره نزلتي من بيتكم وفتنتي بيكي شاب
شاب إيه ؟
دا ولا خمسميت شاب
وأنت كام مره عاكست واحده ؟
أمتي هنفوق بقي من اللي إحنا فيه
,,,,,,,
تعرفوا إننا لو قولنا لنفسنا " انا هموت النهارده "
أعتقد إن مفيش لحظه هتعدي من غير طاعه لربنا
لانها هتكون أخر فرصه
وهتبقي عايز تموت علي طاعه
كنت كتبت بوست قبل كدا
إن ربنا شايفنا
دا اللينك بتاعه
,,,,,,,,,,,,,
طبعا في ذنوب تانيه كتير وإحنا مش أخدين بالنا منها
أتمني إن كل واحد فينا يعمل إعادة نظر تانيه لكل خطوه بياخدها
<
>
>
<
ــــ:~:ــــ أختكم في الله ــــ:~:ـــــ
هناك ٤٠ تعليقًا:
هييييييييييييييه
أول تعليق
ههههههههههههههههه
معلش أتجننت
هههههههههههه
المهم بجد يا جماعه انا أسفه لاني مش متابعه حد خالص
بجد اسفه
بس والله غصب عني
الكليه السنه دي دمار
المواد رخمه جدا
الكيميا لوحدها 6 فروع تخيلو والله بنتعب
ههههههههههههه
والنت وحش والجهاز عليه فيرس تقريبا دا سبب انه تقيل
عايزه أقدم شكر خاص لكل اللي سألوا عليا
بجد بشكرهم
شكر من اليونسكو عشان تعرفوا بس
مختوم اهو ختم عالمي
دا الختم دا مش عارفه اخده لسه في كورسي اللي كنت اخدته في الاجازه
عشان تعرفوا بس انكم مش اي حد
ههههههههههههههههه
انا مهيسه جامد
اسيبكم بقي تعلقوا
طيب أول تعليق تعليقكك مش هيتحسب
ههههههههههههه
فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ)
عندك حق يا زوزو
الموت ملوش كبير ولا عمره مكان بالسن
قال عمرو بن الخطاب حاسبوا أنفسكم قبل أن تحاسبوا وذنوا أعمالكم قبل أن توذن عليكم واستعدوا للعرض الأكبر.
أكيد ذنوبنا كتير بندعى ربنا يغفرهلنا
يارب ان عظمت ذنوبى فإن عفوك أعظم.
ربنا يهدينا ويهدى شباب المسلمين
جزاكى الله خيرا على التذكرة الرائعة
ودمتى بود وفى سعادة
بالتوفيق فى حياتك عامة وفى دراستك خاصة
وربنا يعينك
mohammed ghalia
أوك أول تعليق
هههههههه
يارب ان عظمت ذنوبى فإن عفوك أعظم
يارب يهدينا ويهدي كل الناس
ميرسي لدعائك وللمتابعه
ربنا يوفقك انت كمان في حياتك
تمنالك التوفيق
دمت بخير
اول حاجه انا سعيد جدا ان فيه لسا ناس عارفه ربنا وكما بتفوق اصدقاءهم ال نايمين ومش فاهمين وبعدين من نحيه الموت الموت ملوش كبير ولا صغير وعن تجربه والله العظيم الموت بيجي في وقت وفي اي مكان حتي لو انت لسا متولدتش وجاء اجلك هتموت متسمعوش عن الاجنه ال بتموت في بطون امهاتها طيب خلاص عرفنا ان الموت هيجي يبقي نعمل ايه نعد نستناه ولا نعمل لاخرتنا ال مش عارفين هيبقي فيها ايه ولا انت عارف هتموت ازاي هتموت علي طاعه ولا علي معصيه هتموت وربنا راضي عنك ولالاء والله ياشباب لو بصيتولربنا هتلقوة حاجه جميله اوي والله ( وبالنسبه للبنات والشباب اتقو ربنا في نفسكم وفي اهلكم والله هتعيشوا حياة جميله جدا تخيلي نفسك يا اخت لو انت في عهد رسول الله كان هيبقي شكلك عامل ازاي ودلوقت شكلك عامل ازاي ويا تري ربنا ورسوله راضين عنك ولا لاء وانت يا شاب يا مسلم لو في عهد رسول الله هتبقي شكلك ازاي يا تري رسول الله بشكلك دا ممكن يخليك تجاهد معاه في سبيل الله ممكن تقود جيش يحارب في سبيل الله يا تري تعرف تقف علي منبر وتخطب في الناس ولا بلاش كل ده شوف نفسك انت حافظ كام اغنيه وكام سورة في القران وقارن بينهم وشوف نفسك وانت واقف قدام ربنا كدا وكل حاجه فيك بتتكلم والله يا جماعه اسلامنا دا جميل اوي بس يا ريت نحافظ عليه لما احنا نعمل كدا امال ال مش مسلمين يعملو ايه واللخ حرام ال بنعمله دا وربنا يهدي شباب المسلمين الي مايحبه ويرضاه يا رب العالمين
zozo
يا بقالك فتره كبيره مش كتبتي
فينك ابقي طمنينا عليكي لي طول :d
والله للاسف الناس مش بتحاسب نفسها خالص عارفه لو كل واحد حاسب نفسه هيلاقي اخطاء كتير ولو ضميره حي هيروح يصلحها كلها او علي الاقل معظمها
(( حاسبوا انفسكم قبل ان تحاسبوا وزنوا اعمالكم قبل ان توزن عليكم ))
دمتي بود
زوزو
يانهار قشطات عسلات مربات
نورتي المدونه ونورتينا كلنا برجوعك
معلش متأخره بقي بس والله انتي عارفه اني مشغول موووووووووووت
تعرفي انا بجد فرحت لما شفت البوست
الموضوع ده حساس اوي
وجميل انك ناقشتيه
بجد الموت ده ملوش كبير
يمكن يكون جالك الاوفلاين بتاعي ان صاحبي ده توفي
شفتي بقي واهو 23 سنة
بجد ربنا ينفع بيكي ويجعله في ميزان حسناتك
تحياتي للقلم الرائع
برقش
اخوكي الكبير
بس مش كبير اوي يعني
ههههههه
zezo
بيعجبني تعليقك اوي
بحس انك فاهم بترد بصدق مش مجامله
طبعا كل اللي قولته عندك حق فيه
نورت المدونه
وميرسي للمتابعه
والحمد لله ان المواضيع بتعجبك
دمت بخير
حسن حنفي
امممممممممممممم
انا غايبه
وكل مره تدخل تسيحلي هنا
شكلي كدا انا اللي هسيح دمك
هههههههههههههههههه
كلامك صح
بس مين عنده الضمير الحي دا
دمت بخير
bar2sh
يعني جبت المربي والعسل والقشطه
وسبتلي ايه بقي
اعمل ايه انا دلوقت
هههههههههههههه
المدونه منوره طبعا بيكم
اه الموت مالوش عمر
في ناس قدي واصغير مني بيموتوا
ربنا يرحم الجميع
وميرسي علي كلامك دا
دمت بخير
البوست تحفة
و بجد مش لاقى رد يوضح اد ايه البوست دخل دماغى
بس تعرفى..انا بجد بحاسب نفسى على طول
اه و الله
الحمد لله
و بتمنى الموت كل لحظة
حتى على الاقل عشان ما انساش انى ممكن اموت و انا مش واخد بالى
شدى حيلك فالكلية يا زهرة
اهم حاجة عندنا انك تبقى كويسه
مش لازم تتابعى
لما تخلصى ابقى تابعى براحتك
حتى عالاقل يكون النت اتعدل
ههههههههههههههه
(;
ربنا يكرمك و يوفقك يا زهرة
اولا
اعتذر عن الغياب
ثانيا
اعاتبك على المقاطعه
ثالثا
البوست تحفه بجد وياريت كلنا نحاول نحاسب انفسنا قبل ان نحاسب من قبل الله عز وجل
تحياتى
زوزو الجميله حبيبتى وحشتينى بجد
و الله لسه كنتى فى بالى امبارح وكنت عاوزه اجى اطمن عليكى و قلت يارب تكونى نزلتى بوست جديد لكن سامحينى انى اتأخرت لانى مريم تعبانه شويه وشاغلانى معاها و ملخبطه لى كل حاجه ..
البوست هايل و ربنا يجازيكى خير و يجعله فى ميزان حسناتك ..
ربنا معاكى فى الكليه و يعينك ياارب و تنجحى و كل بناتنا و اولاد المسلمين
دمتى بكل خير فى حفظ الله
تحياتى
زوزو ايييييييييه الغيبه دى؟
بجد البوست حلو
بس للى ينفز
واعتقد اللى فى الزمن دة مش بينفز
ربنا يهدينا ويهديكى
سلامى...
وحشتينى كتير وزعلانة منك كتير عشان انا موحشتكيش واااااااااااء
البوست كلة معانى راقية سماوية جميلة ونصائح قرانية جميلة تسلمى يا حبيتى ربنا ينفعنا بيكى
زوزو
ازيك فينك من زماااااااااااان
موضوعك جامد اوى
وبجد فعلا كان محتاج ينزل من زماااااااان
كل الود
اسير الجراح
معاكى حق واللهى الواحد فعلا محتاج دايما يفتكر اخطاءه ويحاسب نفسه
ربنا يهدينا
وشكرا على البوست
زوزو حبيبتي بداية ازيك انتي وحشااني اوي اوي
يا رب تكوني بالف خير و ربنا يوفقك يا جميل في الكلية
البوست طبعا اكثر من رائع
ربنا يجعله في ميزان حساناتك
و يا رب فعلا نحاسب نفسنا قبل ان نحاسب
ربنا يهدينا و يصلح حالنا
ملاحظة صغيرة افتكر في الحتة الي قلتي فيها
تعرفوا إننا لو قولنا لنفسنا " انا هموت النهارده "
أعتقد إن مفيش لحظه هتعدي من غير طاعه لربنا
لانها هتكون أخر فرصه
وهتبقي عايز تموت علي معصيه
افتكر قصدك تموت على الطاعة و مش على المعصية و لا انا فهمت غلط؟؟
المهم بارك الله فيك و جزاك الله خيرا
دمتي في حفظ الله
اولا ربنا يوفقك فى الكليه
ثانيا بقى
اوقات كتير فعلا الانسان لما يفكر يحاسب نفسه يلاقى نفسه كل غلطات
بس المفروض انه يفكر الاول هو عمل كام غلطه وايه اللى المفروض يتصلح
بوستك جميل
جزاكى الله خيرا عليه
الموت يازوزو ملوش سن ولا كبير ولا صغير
محدش صغير على الموت
ربنا يهدينا جميعا يارب
وشدى حيلك فى المذاكره وبطلى كسل ولعب
بلاش فضايح
ههههههههههههه
ربنا يوفقك يارب
وحشتيييينى ياقمر
شدى حيلك فى المذاكرة انتى بس واحنا هنكون مطنين عليكى
اما عن البوست
فجميل حقا مااثرتيه
"اعبد الله كانك تراه فان لم تكن تراه فانه يراك"
اللهم ارزقنا حسن الخاتمة
ربنا يبارك فيكى يوقويكى ويوفقك يا زوزو
مش عارفه ليه مع الموضوع دا وبعد ما قريته حسيت بنفس احساسى اول مره ادخل لمدونتك وكان كل الشهور دى ممرتش بيا
أفتكرت قبل رمضان وايام رمضان وبعده
عجبتنى جدا فكرة لو النهارده أخر يوم في حياتى
فعلا مكنش هيمر فيه لحظه منغير ما أعمل شيء لله وبكثافه كمان
ربنا يبارك فيكى يا زوزو ويوفقك في دراستك ويسعدك في حياتك وربنا يرضى عنك وعنا
ووحشتينى جدا جدا
يا رب تكونى بخير
زوزو النوز كونوزة
الله الله الله اية يا حاجة دة كلوا؟
والله موضوعك مهم جدااا
وفعلا لو كل واحد اعاد النظر فى حياتة وعاد حسباتة كلنا هنتغير للاحسن
ربنا يحميكى ويسعدك
.....................
ومتقلقيش الجنان دة عندنا كلنا
هههههههههههههههههههه
وحشتينى انتى اكتر بكتير والله
امواااااااااااااااااااة
عووووووووووووووووووووووو
السلام عليكم
تسلم ايدك كلام طالع بعفوية ومن القلب وبجد والله انت حاجة جميلة أوي
وأحلي حجاة ف البوست ده انك كاتبة اختكو زوزو
بجد حسستينا بكدة أوي انك أختنا كمان مرة تسلم ايدك
تحياتي
بالتوفيق.....................
مواطن مصري نايم
ازيك يا اسلام
بجد فرحتك ان البوست عجبكم اوي كدا
حاجه كويسه اوي انك تحاسب نفسك ع طول
والمواظبه عليها احسن كمان
حاضر
هذاكر
ههههههههههههه
دمت بخير
blue _ wave
ولا يهمك
والله مش حكايه مقاطعه ولا حاجه بس النت كان عندي مش حلو
بالنسبه لبوست بقي
ففعلا حاجه جميله اننا نحاسب نفسنا ع طول
دمت بخير
اللهم ارزقنا النفس المطمأنه
Rovy
ازيك انتي وحشاني والله اوي
بجد حاجه كبيره عليا اني اكون ف بالك
ربنا يخليكي يارب
ومريم يارب تكون بقت احسن
الف سلامه عليها
الحمد لله ان البوست عجبك
دمتي بخير
في حفظ الله
kan _ 7lm
ولا غيبه ولا حاجه
طب دا احنا وشنا في وش بعض كل شويه
ههههههههههههه
لما زهقت
ههههههههههههههه
بهزر طبعا
فعلا مين ينفذ ؟
جبتي المفيد
دمتي بخير
princesse bery
حبيبة قلبي والله انتي كمان وحشاني اوي
اوووووووووي
ومن غير كلام يعني
الحمدلله ان البوست عجبك
دمتي بخير
أسير الجراح
انا موجوده مش غايبه ولا حاجه والله
المشكله ف النت
انا كنت هنزله فعلا من زمان
الحمد لله انه عجبك
نورت المدونه
شفقه هانم واحسان بك
حاجه كويسه اننا نحاسب نفسنا ع طول
نورت المدونه
ولا شكر ع واجب
الطالبه عفو الله
والله انتي وحشاني اكتر
بجد وحشاني موووت
اه عندك حق
مش اخدت بالي
دمتي بخير
romansy
فرحت اوي بزيارتك هنا
انا كنت زرت مدونتك قبل كدا
بس النت مش كان حلو عندي مش عرفت اعلق
مدونتك بجد حلوه اوي
ميرسي لدعائك دا
يارب
الحمد لله ان البوست عجبك
اتمني المتابعه
دمت في حفظ الله
رحيل
وحشاني والله اوي
طبعا الموت مالوش وقت ولا سن
حااااااااضر هذاكر
بس بلاش تسييح انتي
ههههههههههههههه
دمتي في رعايه الله ديما
موناليزا
انتي وحشاني اكتر والله
حاضر هشد حيلي
بس دعواتك معايا
"اعبد الله كانك تراه فان لم تكن تراه فانه يراك "
عندك حق
دمتي في حفظ الله
nour shahen
ربنا يخليكي يارب
ميرسي بجد لدعواتك الحلوه اوي دي
لكي مثلا
الحمد لله ان البوست عجبك اوي كدا
وانتي وحشتيني اوي والله
دمتي في حفظ الله
كيكي
نورتي المدونه كلها والله
ميرسي يا قمر علي كلامك دا
اكيد طبعا هنتغير وهنغير الدنيا كمان
انتي كمان وحشاني اوي والله
دمتي بخير
ghoneem
وعليكم السلام
منور يا دوك
مش عارفه اقولك ايه
الحمد لله ان كلامي عجبك
دمت في رعايه الله وحفظه
sayd saad
اللهم امين
نورت
إرسال تعليق