تـــــــذكــــــــــر ......... !!!!



لو عرفت إنك متراقب هتعمل ايه ؟!!

حد واخد باله من تصرفاتك كلها

او حد مراقبك يعني زي مثلا والدك ؛ أمن الدوله
( شوف انت عملت ايه بقي ؟ )

هههههههههههههههههههههههههه

طبعا هتكون واخد بالك من كل تصرفاتك هتعمل حساب خطوتك الصغيره قبل الكبيره

ده لو حد زيه زيك

طب لو ربنا ؟؟!!!

إيه ؟!!!!
أكيد فهمتوني

يبقي لازم ناخد بالنا من حاجه مهمه زي دي

قابلتني جمله عجبتني اوي وهي سبب كتابه البوست ده وهي

" إن الله يراك فلا تجعل الله اهون الناظرين إليك "

إللي بيضايق إننا بنعمل حساب لشخص زينا

" انا ممكن اطرد من شغلي لو قولت الحقيقه وربنا ما يرضاش بده ابدا وربنا هياسمحني "

طبعا لاء

والله وبإذن الله لو عملنا حساب لربنا وقولت يارب انا بعمل ده عشانك انت يارب وبس

ربنا مش هيسيبك لوحدك بس طبعا اهم حاجه النيه الخالصه لربنا

وطبعا كلنا عارفين قصه البنت اللي كانت مامتها بتغش اللبن بالميه في عهد عمر بن الخطاب

مامتها قالتها " محدش شايفنا "

البنت ردت وقالت " لاء ربنا شايفنا "

وفي النهايه

عايزه اقولكم افتكروا ربنا قبل اي خطوه ليكم وخليكم فاكرين دايما الكلمه دي

" انا ربنا شايفني "

في رعايه الله جميعا

هناك ١٨ تعليقًا:

انين الحزن يقول...

زوزو

ازيك ياجميل

بوست حلو اوي وكلامك جميل

عجبتني اوي الكلمه دي
" إن الله يراك فلا تجعل الله اهون الناظرين إليك "

تسلمي ياقمر

سلاموووووووز
وزة

كاميليا بهاء الدين يقول...

" إن الله يراك فلا تجعل الله اهون الناظرين إليك "
......

زوزو
جيبتى الجملة دى منين؟؟؟

انا وقفت اماها كتير اوى
حاشا لله .. يكفينا كرماً انه سبحانه وتعالى يرانا.

البوست غاية فى الروعه لان مضمونه تنبيه وتذكرة وضوء أحمر لنتوقف قليلا عن السباق المحموم مع الحياه.

بارك الله فيك
وجعله فى ميزان حسناتك يارب

تحيتى واحترامى

zOzO يقول...

أنين الحزن


انا الحمد لله تمام

ازيك انتي وايه اخبار القرار بتاعك خرجتني عنه ولا ؟


ميرسي يا حبيبتي علي كلامك الحلو ده

zOzO يقول...

كاميليا


هي قابلتني بصدفه انا برده زيك فكرت فيها كتير اوووي


عارفه البوست اللي بيتعلق في اي مكان ده
هي مجرد ورقه بسيطه بس عجبتني كلامها اوي

وعشان كده قررت اعمل البوست ده



وميرسي بجد علي كلامك ده


تحياتي ليكي يا حبي

السـيد شبـل يقول...

اول زياره

موضوع مهم ... واتمنى كل الناس تدرك هذه الحقيقه وهى وجود الله " عز وجل " ومراقبته لنا فى كل المكان وزان"



تمنياتى لكى بالتوفيق

اللؤلؤة المكنونة يقول...

الله ناظرى ..الله شاهدى ..الله مطلع على

كلمات ليتها تصاحبنا فى كل الأفعال وعلى جميع الأحوال

انت عارفة أنا يوم ما جيت أختار اسم لمدونتى اخترت ....الله غايتى
عشان لما اجى أكتب أى موضوع أو أرد على أى بوست ألاقى قدام المقولة ده...فأتذكر
ولما يدخل أى حد عندى يقرأ المقولة برضه يتذكر ...
يتذكر ايه؟؟؟


قل ان صلاتى ونسكى ومحياى ومماتى لله رب العالمين

أى حاجة الواحد بيعملها لازم تكون لله وعلى مراد الله ونشتشعر مراقبة الله لنا فى كل عمل
أعتقد لو وصلنا لكده فعلا
ستقل أخطاءنا وذنوبنا كتير


اسفة لو كنت طولت عليكى
مرورك بمدونتى أسعدنى كثيرا
أرجو دوام التواصل

semsem يقول...

بوست حلو اوى
احساسه عالى جدا يا وزه
بجد حلو
تسلم ايديكى ياقمر
امواااااااااااااااااه

مواطن مصرى نايم يقول...

الله بجد
بوست رائع
و اسلوبك روعة
ربنا يكرمك
بجد من اول كلمتين
شدتينى انى اكمل البوست كلة

zOzO يقول...

السيد شبل
تحياتي ليك
واتمني المتابعه علي طول
ولو فعلا كل واحد اخد باله ان ربنا
شايفه في كل حاجه هو بيعملها
اعتقد انه مش هيعملها
لانه بيتكسف من الناس
يبقي ربنا ايه بقي ؟
عموما انت نورت عندنا

zOzO يقول...

اللؤلؤه المكنونه


مرورك اسعدني انا كمان تحياتي ليكي


وانتي مش طولتي ولا حاجه عادي ولا يهمك


ومعني انك تطولي ان الموضوع عجبك


واتمني منك المتابعه

zOzO يقول...

سمسم


منوره طبعا


وميرسي يا جميل كلك زوق ورقه

zOzO يقول...

مواطن مصري نايم


ربنا يخليك


والحمد لله ان اسلوبي عجبك


وعايزه اشوفك هنا علي طول



تحياتي ليك

مواطن مصرى نايم يقول...

اكيد طبعا
ان شاء الله

MKSARAT - SAYED SAAD يقول...

تذكره جميلة علشان نفوق مش لهو الدنيا وعلشان لا ننسى ذكر الله
الرقيب العتيد
اسأل الله الغفران للمسلمين والمسلمات والمؤمنين والمؤمنات
دمتى بكل ود
وطبعا اولا واحدة هتتصور انا مقدرش يا فندم
تحياتي سيد سعد

zOzO يقول...

مواطن مصري
طبعا هتنور

zOzO يقول...

المكسرات متاخر ليه ؟



امين يارب
ويارب فك كربهم



تحياي ليك

ojg يقول...

اه
اه دي الكارثه
وانا صغيرة كنت مش بحب اغلط وانا لوحدي بجد
كنت بتكسف قوووووي عشان انا عارفه اني وانا لوحدي بيبقي ربنا بس اللي شايفني ولو غلطت ابقي كده مش هاممني اني قدام ربنا حاشا لله

بس هل لغايه دلوقت انا كده؟؟
يا خوووووووفي

لا اله الا انت سبحانك اني كنت من الظالمين

zOzO يقول...

ojg
نورتني هنا
حاجه مهمه اوي اننا ناخد بالنا منها لازم


تحياتي ليكي
اوتمني المتابعه علي طول